لاتحرق اوراق جديد الغلا و انت الغالي

يابو فهـد قلبي من الحب مجروح ** والجرح وسط القلب ماله مداوي
بـسبـاب خـلٍ ناعم العود مملوح ** ما يـرحم العاشق ولا هو بياوي
اجي لها واروح من غـير مـصلوح ** وانا على بعـده فـلاني بـقاوي
ما غيرك احـدٍ من الناس با يوح ** من الغـضي ياخوك للبعد نـاوي
الهم والحرمـان والسهر والنوح ** لازم يقسـم بـيننا بالـتسـاوي
.........................................

يا حبيبي كيف بسلى عن هواك .. ان هذا يا حياتي مستحيل
بعدكم على قلبي ترى فيه الهلاك .. خذ حياتي كلها لك يا جميل
مانوى قلبي على شخصٍ سواك .. شف انا من سبتك جسمي نحيل
اترك اللي يزعلك واتبع رضاك ..من سببكم اسهر الليل الطويل
اتحمل منك هجرك مع جفاك .. انظر دموعي على حدي تسيل
يا حبيبي ليتني دايم معاك .. وحدنا ما بين هذيك النخيل
.........................................


يا حسرتي قلت آه ويلاه ويلاه .. يا اهل الهوى ياشين هجر الصديقي
يا شين هجر اللي من الناس تهواه .. لا صرت ماتفهم لهجره طريقي
هجر الحبيب اللي على غير معناه . عليه قلبي لي ذركته يضيقي
عز الله اني من توالفت وباه .. حملّت قلبي فوق ما لا يطيقي
غزي لحالٍ من هوجس الحب عزاه .. عز الله اني من انا نشف ريقي
الصاحب اللي صابني كيف ابنساه .. وقلبي تخرّق من غلاه تخريقي
يا جاهلين الحب هذي سواياه .. شغله يحرّق بالفؤاد تحريقي
ياما وياما هلت العين من ماه .. خليت منديلي بدمعي غريقي
..........................................

يا خساره ضاع حبي والغرام .. مع حبيبٍ صار له طبعٍ جديد
وا شقى عين المعنّى ما تنام .. وا عذابي يا فهد همّي يزيد
ساهرٍ في الليل زاد بي الهيام .. ساهرٍ هاجوس عيني في بعيد
جيت يم الزين وابديت السلام .. وانشغل عنّي وخلاّني وحيد
قلت له يا زين والله ذا حرام .. لا تزيد الجرح في قلبي تزيد
انشغل عنّي ولا ابدى لي اهتمام .. قلت له الجفاء لي يا عنيد
ماتشوف اني بحبك مستهام .. ارحم المجبور قلبك من حديد
ارحم اللي تاه في حبك وهام .. وارحم اللي شوفته لك يوم عيد
قلت له يا نور يا بدر التمام .. عيشتي بعدك ترى عيشة شريد
افترقنا عن بعض لي عنه عام .. والمحبه والهوى نارٍ شديد
..................................


يا زعيم المودّه يا حسن الوصايف .. يا قمر عشر واربع لي تجلّى وبان
جل من صوّر عيونٍ عليك وشفايف .. مع دلالك وزينك فيك عطف وحنان
مير حظي قصر دونك وشفت الكلايف .. انت ودّك وانا ودّي وعيّا الزمان
والله اني على لامك دمعي ذرايف .. انت سبّة جروحي والدواء لي ضمان
انت داي وداوي وانت سيد الولايف .. مستبدٍ بقلبي ما لغيرك مكان
انت يا لابس الشلحه ونابي الردايف .. خف من الله بحالي يا رهيف الثمان
وا حلالات قبل الموت تبري الحسايف .. مرهٍ في حياتي قبل فوق الاوان
..................................


يا زين احبك والمحبه بلاوي .. حبٍ مع الايام ينمي ويكبر
بالهجر لا تجرح شعور الشقاوي .. بالك تصد اليوم والا تكبّر
قلّي وش انت بي على الطول ناوي .. الخير منه الخير والشر بالشر
الموت عندي والحياة متساوي .. واحسن لي الموت المحتّم والاقهر
...................................


يا زين انا مليت سهر الليالي .. البعد والحرمان يا منيتي طال
جسمي نحل يا زين مما جرالي .. ليتك تجي وتشوف بعيونك الحال
لك صورهٍ مطبوعةٍ في خيالي .. لو غبت عن عيني فلا غيت عن بال
لا تحسب اني عنك داله وسالي .. والله قلبي عن هواكم فلا مال
يا غايتي بالناس يا اعز غالي .. يا داي وانت داوي في كل الاحوال
....................................


يا سعود انا لي صاحـبٍ مغرمٍ فيه ** بس الحياء عن نور عيني حداني
ارجي من المولى يقود الرجاء فيه ** لشفـت زوله عـجـز ينطق لساني
هـذي سـوات الحـب يا جاهـلٍ فـيه ** قـيسٍ وليلى قـبلنا مـن زماني
طـبيـت بحـرٍ ماعـرفـنا مـوانـيه ** بـحـرٍ عـميـق مالقـينا مواني
ليتـه يـوضح كل ما كان مـخـفـيه ** بين الرجاء والياس خظي رماني
ان كان يغـليني مـثل ماني اغليه ** والله لعطيه لي امر او نهاني
.....................................


الايا حبيب الروح يا سلوتي ومناي .. علامك تغيرتي علي يا بعد روحي
وانا خابرك لي غبت عشتي على ذكراي ..ويا ما بكيت كل ما جيت اباروحي
بصدق المشاعر والوفاء تشترين ارضاي .. وصنتي غلاك برضوهٍ منك وانصوحي
حويتك وسكنّتك بوسك الحسا جوّاي .. ملكتي بحبك خافقٍ فيك ما يوحي
وفجأه نسيتني ولا همتك دنياي .. تركتيني ابكي واسهر الليل وانوحي
علامك لقيتك يا القضي ترتضي بلواي .. تسلى بتعذيبي على غير مصلوحي
حرام القطيعه منك يا علتي ودواي .. خف الله ولد النظر خاف بجروحي
.................................


يـا شـقى من تـولع يوم نـفسك بخيله ** ماتـبيع الجـمال وزاد عـندي غـلاك
مـزارع الورد عندك وعند غيرك قليله ** من تـمنى يـشـوفك ما حصل له بهاك
احـتفـظ بالورود اللي زهـوره جـميله ** لاتبيـّن غـصـونه يـوم ربـي عـطـاك
واعـذاب المـشـقى كل يـــومٍ ولـيله ** كل ما شـاف زولك قـال عـمري فداك
مـن نظـرته بعينك مـنك ياعـزتي لـه ** ان قعـد ما تهنا وان مشى ما نساك
فــيك شـارات ذبــحٍ للقلوب العليله ** مثل حمـر الخـدود وزين جـسمٍ معاك
جـعل ربٍ كـتـب حـبك عـلينا يـزيلـه ** او يـردك عـلينا لين نـتدرك رضاك
من شكـى لك شكيته وحار من يشتكى له ** انـت تـقدر وهـو وده يناظـر رضاك
اسـمـر اللون ماتـرحـم ولافـيك حيله ** ماتطيب الجروح الا ان حصل لى دواك
...............................
يا شين فرقا من توده وتغليه .. لي صرت تجهل وش سبايب فراقه
ما الوم من يبكي على فقد غاليه .. ان ما جاني من الحب ذاقه
احترت انا والقلب يكفيه ما فيه .. خلّي نواني يقطع العلاقه
واقول يا المحبوب وش مقصدك فيه .. وش سبب الهجران بعد الصداقه
حرام من يغليك بالهجر تجزيه .. جفيت قلبٍ يزيد لك استياقه
شبكتي بالحب واشغلتني فيه .. وابعدت حتى صار شوفك شفاقه
................................


يا صاحبي لا تجي للزياره بخيل .. ترى التعب والشقى كله على شانها
ما هو بقصدي طمع لا شك نجلس قليل .. والنفس مجبورٍ تخص لديّانها
الليل عندي سهر واليوم عندي طويل .. حالي براها الجفى مع زود حرمانها
ما تفعل الخير وتذكر ما مضى من جميل .. ايامنا اللى مضت يا صاحبي ردها
انهار تجري وفيها كل غصنٍ ضليل .. الله خلقها وعندي جمّل اغصانها
والله لو لا الحياء والصبر كله جميل .. لآخذه باول لقاء في وسط ميدانها
....................................


يا طريقٍ حصل لي فيه كل الهلاك .. انشبكنا وحنا من بعيد لبعيد
رد لي السلام وقال هيّا معاك .. ويوم ربي جمعنا يوم عيد سعيد
شفت شي ذبحني بين هذا وذاك .. سوّى بالقلب لو هو من صليل الحديد
لا تلوم المولّع ولو غلّض عليك ونهاك .. انت عند خبر لا شك قلبك عنيد
من حكي لك حكي بك عند هذا وذاك .. انشد اللي مجرّب كان تبغى الاكيد
.......................................


ياطلـعت البدرَ في ديجـورِ الأغلاس ** ويا هـلالاً بدأ مع هجعهِ الناسي
يا مـن بُليـت بِه يأحـسن النـاس ** يا من محـبتـهُ تـاجُُ على راسي
والـلهِ ما طـلعـت شمـسُُ ولاغـربت ** إلا وذكـراك تسـري مـع انفاسي
ولا جـلـسـتُ مـع قـومُُ أحـدثـهـم ** إلا وانـت حـديـثي بـين جـُلاّسي
ولا شـربت مـن الـماء مـن عـطـشٍ ** إالا رأيـتُ خـيالاً منك بالكأسي
إن كان هم عـلموك أن لا تـكلمـني ** فأكتب لنا خطابٍ في طئ قُرطاسي
وأكتب على جانبِ القرطاسَ من قلمٍ ** لا يرحمُ اللهَ من لايرحمُ الناسي
.......................................


يا عجب يا كيف تنسى ذيك الايام .. لجلك عيوني حاربه لذّه النوم
اشوف زولك في منامي بالاحلام .. ليت تشوف الحال والله ما تنوم
صورتك وسط العين راسمك رسّام .. عند العواذل صرت في وضع مفهوم
من سبّتك حالي غذت جلد وعظام .. وشيٍ كتب باللوح من ربي مقسوم
..................................


يا عين طول اليوم والليل تبكين .. وش السبب يا عين لا تجحدينه
الناس ترقد وانتي الليل تنعين .. يروح ليله مير ما ترقدينه
ان كان من فرقا حبيبك تنوحين .. والله ما الومك يا العيون الحزينه
والله ما الومك لو بكيتي زمانين .. وان كان عندك شي لا تبخلينه
انا عذرتك عقب فرقا المحبين .. بس ارفقي بالقلب لا تمحلينه
الآن عرفتي وا عسى تسفهلّين .. الصبر مفتاح الفرج كان تفهمينه
واللي تبينه وين واليوم انا وين .. عسى الفلك يندار بيني وبينه
خلك سلى من فرقاك يا عين .. مسكين خلك ما بكت منك عينه
قالت حشى لله لا تظلم الزين .. اللي يودّك مسمح انك تهينه
......................................

يا عين لا تبكين كان الذي كان .. ليت الكبي يا عين يرجع بغايب
والله لبكي لو مشى الدمع وديان .. كوده يرد الزين سيد الحبايب
اللي نساني واشعل القلب نيسران .. والقلب من فرقاه يا ناس ذايب
سهران افكر وش بلا الزين زعلان .. والله فلا لي ذنب لكن مصايب
يا ليت لاهل الحب حاكم وسلطان .. واشكي لهم لهم بالحق والحق صايب
حالي نقص واقضّي الليل سهران .. والراس من كثر الغرابيك شايب
فكرت انا بالحب واصبحت خسران .. صحيح قالواها حياتك تجارب
من اولٍ للحب والعشق ولهان .. واليوم انا عن سيره الحب تايب
.....................................


يا عين لا تبكين هذا مقدّر .. حكم القدر يا عين ما فيه حيله
مهما الدمع هل وتنثّر .. كثر الدمع ما رد خل لخليله
كم واحدٍ قبلي من الفرقا بليله تعبّر .. قلبه من الفرقا جروحه عليله
انا اشهد ان راعي الهوى حظه اقشر .. مشقيه ربي في نهاره وليله
مكتوب له طول الحياة يتحيّر .. ما بين هم وغم يا عزتي له
عزي لمن مثلي بحاله تحيّر .. احتار ماله صاحبٍ يشتكي له
قلبي عليل ونوم عيني تكدّر .. كثر الهموم وعاد حالي نحيله
الحال تنقص والعذاب يتطوّر .. والقلب ماله طب بايّه وسيله
..................................



يا قمر خلك معانا لا تفرّط في هونا .. لا ييع عندك غلانا يا قمر شارع عسير
لجلكم تسهر عيوني والبكى جدد شجوني .. يا فتى لا تحرموني لجلكم امري خطير
انشبكنا في هواكم ليه تحرمنا رضاكم .. ذاب قلبي من جفاكم وعندكم قلبي اسير
ما حصل مني خطيّه حتى اتزيد الاسيّه .. رد لي قلبي عليّه انت يا حالي النظير
ليه تبخل في كلامك يا قمر غطي ظلامك .. كيف حبك كيف غرامك كيف انا بقوى اسير
يا ضنيني شوف حالي لجلكم ساهر ليالي .. ما يجب منك يا غالي يا حبيبي ما يصير
يا حلو يا خف دمك ليتني جنبك واضمك .. او قريبٍ لابن عمك انت في عمري خشير
..................................


يا قمر نص الشهر ليله نصيف .. باسطٍ نورك على كل الديار
لا حشى والله ما جالك وصيف .. في جميع البيض يا رمز الوقار
القكر لي جا الفجر نوره يهيف .. وانت نورك ساطعٍ وضح النهار
يا ربيعي والبشر غيرك خريف .. يا هناي وبهجتي عطني قرار
الصبر لا تعتقد حمله خفيف .. الصبر يازين لوعه وانتحار
لك على وضح النقا حبٍ شريف .. يا ملاك غاب من دون اعتذار
طمّن اللي خافقه يرجف رجيف ..عن غيابٍ صار قلّي كيف صار
.....................................


يا لطيف الحشا لولاك .. ما جرى الدمع من عيني
اذرف الدمع من فرقاك .. والهواجيس تشقيني
جل من صورك محلاك .. نادرٍ بالمزاييني
القمر فيه من شرواك .. لي نظرته يسليني
يوم عيدي نهار القاك .. من شفاياك تسقيني
اجتمع ساعهٍ وياك .. من حنانك تداويني
ليتني ما هويت سواك .. انت وحدك مكفيني
.......................................


يا هوى البال لا تنسى حبيبٍ هواك .. الطف بحال منهو ما يذوق المنام
كل ما جيت انا بدله تذكرت انا ذاك .. وانشغل قلبي المسكين بك واستهام
لو نسيت المولّع يا القضي ما نساك .. كثر هجرك برى حالي وزاد الهيام
يا حبيبي عسى روحي وما املك فداك .. انظر بحالتي ما ارقد ولا ابغا المنام
يا هوى البال منك انا اوشكت بالهلاك .. من سبايبك حالي موشكٍ بالعدام
يا اريش العين قلّي ويش سبب جفاك .. لا يخيب الرجاء بك يا حسين القوام
والله اني شقيٍ منك واتبع رضاك .. وانت يا نور عيني ما ترد السلام
ليه تبخل علي حتى بلذّه حكاك .. وانتهى الهجر يا ترف القدم يا حرام
............................................


من منطلق حبي لك العام واليوم ،،،، لاتحرق اوراق الغلا وانت غالي
احفظ بقايا مابقى واترك اللوم ،،،، واصبر وابصبر والله اعلم بحالي
امرٍ مدبر ياحبيبي ومقسوم ،،،، شربت كاسه بين مرٍ وحالي
حبك سرق من ناظري لذة النوم ،،،، سرق الخجل عينٍ هدبها حكالي
خليتني مكسور خاطر ومهموم ،،،، خسارتي بالحب من راس مالي
عليك ياظالم شكى الظلم مظلوم ،،(عزااه)،، منك اشتكي لك بالهوى ماجرالي
عساي ما أقضي تالي العمر محروم ،،،، من شوفتي لك عقب ذالك الغلا لي